الأغنية الشعبي /على كل لون
**************
البشر على كل لون عايشين
فى منهم الخاين بطبعه
وفى منهم بجد الطيبين
وأنا طول حياتي
بتزيد اهاتي
ومش عارف
أرضي مين ولا مين
أمشي فيها شمال
واساير البطال
وأكون على ادا الحال
ولا أروح على فين
عايش فى دنيا الهبل
شايل هموم تكسر جبل
عمال بعافر بعافر
لكن لقيت الحظ سافر
وأنا لوحدي
والجوع ده كافر
ومن البشر مابتقبل
الصدق باين من كلامي
واللي ورايا هو هو اللي قدامي
يا دنيا دلوقتي بودعك
وبرمي عليكي سلامي
يمكن بلحظة افكرك
أن المجني عندك
كان عندي هو الجاني
خطفتي فرحتي
وتاركني بعاني بعاني
************
بقلم/فهمي حنا
المنصورة؛؛؛؛مصر
اترك تعليقا:
